काठमाडौँ । सरकारले पेट्रोलमा २० र डिजेलमा २९ रुपैयाँ मूल्य घटाउने घोषणा गरेको छ । शनिबार दिउँसो अयोजित पत्रकार सम्मेलनमा उद्योग बाणिज्य तथा आपूर्ति मन्त्री दिलेन्द्र प्रसाद बडुले मूल्य घटाउने बताएका हुन् ।

योसँगै अब पेट्रोलको मूल्य १७९ रुपैयाँ कायम हुने भएको छ । हाल पेट्रोलको मूल्य १९९ रुपैयाँ रहेको छ । यस्तै डिजेलको मूल्य १९२ रुपैयाँबाट २९ रुपैयाँ घटेर १६४ रुपैयाँ कायम गरिएको छ । घटेको मूल्य आजै राति १२ बजेदेखि लागू हुने छ ।

सरकारले पेट्रोलियम पदार्थमा लगाउँदै आएको करलाई कटौती गरेर मूल्य घटाउने सहमति भएको उनको भनाइ छ । शनिबार बिहान बसेको गठबन्धन दलका नेताहरुको बैठकले मूल्य घटाउन सरकारलाई निर्देशन दिएको थियो ।