काठमाडौँ । काठमाडौँ उपत्यकाका विभिन्न ठाउँमा हैजाका विरामी देखिएका छन् । योसँगै हैजाका बिरामीको संख्या १० पुगेको छ ।

नैकाप र पाटनमा थप एक–एक जना हैजाका बिरामी भेटिएको जिल्ला जनस्वास्थ्य कार्यालय काठमाडौंले जनाएको छ ।

इपिडिमियोलोजी तथा रोग नियन्त्रण महाशाखा अनुसार यसअघि बागबजार, डिल्लीबजार, कपन, सानेपा, बालाजु, बल्खु र थानकोटमा हैजा पुष्टि भएको थियो ।

जनस्वास्थ्यविद्ले हैजा महामारीका रुपमा फैलन सक्ने बताएका छन् ।