काठमाडौँ । आगामी संसदीय निर्वाचनमा स्वतन्त्र उम्मेदवारी दिने तयारी गरेका उम्मेदवारको भेला सुरु भएको छ । ललितपुरको सानेपास्थित हेरिटेज गार्डेनमा शनिबार ‘स्वतन्त्र उम्मेदवारी अभियान’को भेला सुरु भएको हो ।

भेलामा काठमाडौँ महानगरपालिकाका मेयर बालेन्द्र शाहलाई समेत बोलाएर छलफल भएको छ । उक्त भेलाको संयोजक काठमाडौंबाट स्वतन्त्र उम्मेदवारी दिने तयारी गरेका सुमन सायमी रहेका छन् ।

भेलामा रवि लामिछानेका आफ्नै दाइ हरिशरण लामिछाने, सुमन सायमीलगायत उम्मेदवार सहभागी भएका छन् ।