काठमाडौँ । भारतबाट बोरामा पैसा ल्याउँदै गर्दा दुई जना पक्राउ परेका छन् । आलुसँगै स्रोत नखुलेको ८३ लाख रुपैयाँ मंगलबार सशस्त्र प्रहरीले बरामद गरेको हो ।

धनुषाको जनकनन्दनी गाउँपालिका १ इनर्वामा भारतबाट मोटरसाइकलमा राखेर ल्याउँदै गरेको बोरामा ८३ लाख ६४ हजार ५ सय रुपैयाँ बरामद गरेको सशस्त्र प्रहरीले जनाएको छ ।

ज ७ प ५००७ नम्बरको मोटरसाइकलमा बोरामा अवैध रकमसहित जनकनन्दनी गाउँपालिका ५ का १९ वर्षीय राजेश मण्डल र ३६ वर्षीय ईश्वर मण्डललाई पक्राउ गरिएको हो ।