सर्लाही । प्रहरीले पसलमा लुकाएर राखेको पेस्तोल र गोलीसहित एक पुरुषलाई पक्राउ गरेको छ ।

मंगलबार बिहान पसलमा लुकाएर राखेको एक थान पेस्तोल र सोही पेस्तोलमा लाग्ने एक राउण्ड गोलीसहित हरिवन नगरपालिका ११, बस्ने ४३ वर्षका छोटेलाल दास पक्राउ परेका हुन् ।

दासलाई सुराकीको आधारमा अवैध हतियारसहित पक्राउ गरिएको हरिवनस्थित इलाका प्रहरी कार्यलयले जनाएको हो । दासले हरिवन बजारमा किराना पसल सञ्चालन गर्दै आएका थिए । उनले सञ्चालन गरेको किराना पसलमा खानतलासी गर्दा उक्त हतियार र गोली बरामद भएको थियो ।

पेस्तोल र गोलीसहित पक्राउ परेका दासलाई नियन्त्रणमा राखेर अनुसन्धान भइरहेको जिल्ला प्रहरी कार्यालय सर्लाहीका प्रवक्ता एवं प्रहरी नायव उपरीक्षक माधवप्रसाद बुढाथोकीले जानकारी दिए ।