काठमाडौं । नेपाली कांग्रेसका नेता डा शेखर कोइराला पक्षका नेता-कार्यकर्ताहरुले पार्टी केन्द्रीय कार्यालय सानेपामा धर्ना दिने भएका छन् । पार्टीका भ्रातृ संस्थाका कार्यसमितिलाई पूर्णता दिन माग गर्दै उनीहरुले पार्टी केन्द्रीय समिति बैठक अगाडी पार्टी केन्द्रीय कार्यालयमा प्रदर्शन गर्ने भएका हुन् ।

कांग्रेसको पार्टी केन्द्रीय समितिको बैठक दिउँसो १ बजे सानेपामा बस्दैछ ।

पार्टीको केन्द्रीय समिति बैठक सुरु हुनुअघि नेपाल विद्यार्थी संघ, तरुण दल, महिला संघ लगायतका भ्रातृ संस्थाका कोइराला पक्षका नेता(कार्यकर्ताहरुले प्रदर्शन गर्न लागेका हुन् ।

१० फागुनमा बसेको कांग्रेस केन्द्रीय समितिको बैठकले अवधि पूरा भएका १० भ्रातृ संस्थाको केन्द्रीय कार्यसमिति भंग गरेको थियो । नेविसंघ, तरुण दल, प्रजातन्त्र सेनानी संघ, किसान संघ, आदिवासी जनजाति संघ, लोकतान्त्रिक अपांग संघ, तामाङ संघ, ठाकुर समाज, महिला संघ र भूतपूर्व सैनिक संघको केन्द्रीय कार्य समिति फागुन ३ मा भंग गरिएको थियो ।

सभापति शेरबहादुर देउवाले चारवटा भ्रातृ संस्थाको मूल नेतृत्व मात्रै मनोनित गरेका छन् । अन्य भातृ सस्थाको नेतृत्व अझै रिक्त रहेको र नेतृत्व पा्रप्त गरेको भातृ सस्थाको पनि अन्य सदस्य हरु रिक्त रहेकोले नेतृत्वमाथी दवाव बढाउन केन्द्रीय समिति बैठक अगाडी प्रर्दशन गर्न लागिएको शेखर पक्षका भातृ सस्थाका नेताहरुले जनाएका छन् ।