काठमाडौँ । लगातार ओरालो लागेको सेयर बजारमा साताको पहिलो दिन सोमबार पहिरो गएको छ । आज एकैदिन सेयर बजारमा ७७.०१ अंकको गिरावट आएको छ ।

सोमबार कारोबारको सुरुवातबाट नै ओरालो लागेको बजारमा कूल २२७ कम्पनीको सेयर कारोबार भएको थियो । आज ६३ लाख १३ हजार ६४१ कित्ता सेयर किनबेच भएको छ । आज दुई अर्ब ३२ करोड ५६ लाख ४१ हजार २२ रुपैयाँको कारोबार भएको छ ।

आज ग्रामीण विकास लघुवित्त वित्तीय संस्थाको मूल्यमा नेगेटिभ सर्किट लाग्यो । किसान लघुवित्त, ग्लोबल आईएमई समुन्नत, हिमालयन पावरसहितको सेयर मूल्यमा भारी गिरावट आएको छ ।

सबैभन्दा धेरै सेयर कारोबार हुनेमा हिमालयन डिष्ट्रिलरी रहेको छ ।