त्रिचन्द्र कलेजबाट दरबारमार्गतिर लम्किदा डेढ सय मिटर अगाडी पुगेपछि बाटैमा पर्छ, जुकोट दरबार रेस्टुराँ । १ सय ४३ वर्ष पुरानो यो भवनले एउटा बेग्लै इतिहास बोकेको छ । राणा कालिन यो भवन संस्कृत भाषा पढाई हुने पुरानो पाठशाला हो । हाल त्यसैको ग्राउन्ड फ्लोरमा रंगरोगन र आकर्षक सजावट सहित खुलेको छ, जुकोट दरवार । जसलाई सञ्चालन गरिरहेका छन्, युवा व्यवसायी अमृत शाही ठकुरीले ।

सुदूरपश्चिमको बाजुरास्थित जुकोट सबैभन्दा बढी स्याउ फल्ने ठाउका रुपमा चर्चित छ । घुमाउरो बग्ने कर्णाली नदिको काखमा थपक्क बसेको छ, जुकोट । चिसो र सुन्दर ठाउँ । जुकोटमा लटरम्म फल्ने स्याउले उचित बजार नपाएर उता किसानहरु वर्षेनि भोगिरहेका छन् । त्यही समस्यालाई केन्द्रबिन्दुमा राख्दै जुकोट दरबार रेस्टुराँले सिजनमा स्याउका परिकार उपत्यकाबासीलाई चखाउँदै आएको छ । सिजनमा यहा“को मेनुमा स्याउको अचार, स्याउको सुकुटी बिभिन्न आइटमहरु उपलब्ध हुन्छन् ।

जुकोट दरबारका सञ्चालकको पृष्ठभूमितिर फर्कौं । खासमा अमृत शाही स्वदेशमै केही उद्यम गर्नुपर्छ भन्ने अठोट बोकेका युवा हुन् । त्रिचन्द्र कलेजबाट स्नातकोत्तर उत्तिर्ण गरेका अमृतको चाहना आफ्नै व्यवसाय गर्छु भन्ने थियो । राजनीति र समाजसेवामा चाख राख्ने अमृत पैसालाई भन्दा कामलाई बढी महत्व दिन्छन् ।

उनलाई नाफा घाटासँग कुनै सरोकार छैन । उनको नजरमा सीप नै सम्पत्ति हो । र, कामप्रतिको प्यास छ, दुःख, संघर्ष गर्ने हो नेपालमै राम्रँे कमाउन सकिन्छ भन्नेमा उनी स्पष्ट छन् । आफू हिंडेकै बाटोमा आफ्नो भाईलाई पनि डो¥याए । कम बोल्ने स्वभावका दाईको कुरामा बिमती राख्ने कुरै भएन । राजनीति गरेर मात्र पुग्दैन, व्यवसाय गर्नैपर्छ भन्ने मान्यताले अमृतले जुकोट दरबार रेस्टुराँ सञ्चालनमा ल्याए ।

सञ्चालन गरेको केही महिनामै लकडाउन भईदियो । व्यवसाय राम्रै चलिरहेको थियो । अचानक भएको लकडाउनले सात महिनासम्म रेस्टुराँ बन्द भईदियो । त्यति लामो समय त भाडा मात्रै तिर्नुप¥यो । जनजीवन सामान्य अवस्थामा आईसकेपछि बिगत एक वर्ष भन्दा लामो समयदेखी जुकोट दरबार निरन्तर सञ्चालनमा छ । ५० लाख रुपैयाको लगानीमा सुरु भएको यो रेस्टुराँमा १ करोड भन्दा बढी रेस्टुराँ लगानी भईसकेको सञ्चालक अमृतले बताए । उनलाई कृषि विकास कार्यालयमा कार्यरत पहल बहादुर, दाई सरोज बहादुर शाही, जापान बस्न कान्छा भाई सविन शाही, उनकी अति मिलनसार साथी डेनी थापा ले प्रत्यक्ष सहयोग पु¥याउनु भएको छ ।

जुकोट दरबार रेस्टुराँको मेनु
जुकोट दरबार रेस्टुराँको विशेष चिनारी भनेको मार्सि खाना हो । मार्सि खाना र मार्सि थकाली जुकोट दरबारको ब्राण्ड बनिसकेको छ । चर्चित पत्रकार ऋषि धमलादेखी नायिका रेखा थापा लगायत राजनीतिज्ञ, समाजसेवी, सञ्चारकर्मी, स्वास्थ्यकर्मी लगायतका व्यक्तिहरु मार्सि खानाको स्वाद लिनका लागि जुकोट दरबार पाईलो टेकिसकेका छन् ।

मार्सि खानामा सिस्नो, गुन्द्रुकसँग कालो सिमीको जिम्बुले झानेको दाल उपलब्ध छ । कर्णाली र सुदूरपश्चिमका जिल्लाबाट ल्याईने मार्सि चामलको माग पछिल्लो समय बढिरहेको छ । यसले कोलेस्ट्रोल, सुगर, ब्लड प्रेसरका रोगीहरुलाई फाईदा पु¥याउँछ । दिनमा कहिलेकाही ८०, ९० वटा देखी बढीमा १ सय ५० वटासम्म मार्सि खाना अर्डर हुने गरेको सञ्चालक अमृत शाहीले बताए ।

मार्सि खानाको स्वाद मटन, चिकेन, बँदेलको सुप, माछा तथा मासुसँग लिन सकिन्छ । भेज आइटममा पनि उपलब्ध छ । कोदो र फाँपरको ढिंडो, फापरको ममः तथा थकाली खाना सबैभन्दा बढी रुचाइने परिकारमा पर्छ । थकाली भेज खाना सेटको मूल्य २ सय ९५ रूपैंयाँ राखिएको छ । अन्य परिकारको मूल्य पनि त्यति धेरै राखिएको छैन ।

मार्सि र थकाली खानापछि फाँपरको झानेको ममः र फाँपरको साँधेको ममः पनि यहाँ बढी अर्डर हुने परिकारभित्र पर्छ । यस रेस्टुराँले चाइनिज, इन्डियन, कन्टिनेन्टल लगायत २० भन्दा बढी परिकार पस्किने गर्छ । झानेको मम, बँदेलको तास, बँदेलको टिमुर, बँदेल तारेको यहाँका स्पेशल परिकार हुन् । इटालियन र मेक्सिन परिकार पनि यहाँ उपलब्ध छन् ।
बिभिन्न कार्यालय, सभा, समारोह र अर्डर अनुसार लन्च बक्स निःशुल्क रुपमा डेलिभरी सेवा पनि प्रदान गर्दै आएको छ । बिभिन्न बैंक, ट्राभल एण्ड टुर, निजी कम्पनीका स्टाफहरु जुकोट दरबारका नियमित ग्राहक हुन् । सपिङ सेन्टर, कलेजहरुमा खानेुकरा नियमित डेलिभरी हुँदै आएको छ ।

पर्याप्त पार्किङ एरियाको सुबिधा
दरबारमार्ग क्षेत्रमा सवारीसाधनका लागि पार्किङ समस्या एकदमै झेल्नु पर्छ । बढ्दो सवारी साधनको प्रयोग बढदो छ । तर, पार्किङ एरिया सिमित भएकाले समस्या भोग्नु पर्ने अवस्था छ । जुकोट दरबार रेस्टुराँको पर्याप्त पार्किङ एरियाको सुबिधा छ । त्यसैले होला अबेर रातीसम्म यहाँ चहलपहल भईरहन्छ । बिहान ८ बजे खुल्ने यो रेस्टुराँ राती ३ बजेसम्म खुल्लै रहन्छ । अबेर रातीसम्म पनि खानेकुरा अर्डर गर्न सकिन्छ । होमडेलिभरीको सुबिधा रहेको छ । पठाओ एप चलाउनेहरुले सिधै एपमार्फत पनि खानेकुरा अर्ड गर्न सक्छन् ।

अन्यत्र भन्दा पार्किङको सुबिधा भएर होला शुक्रबार ४ सय देखी ५ सय र शनिबार ३ सय देखी ४ सय जना ग्राहकहरुको रेस्टुराँमा चहलपहल हुने गरेको सञ्चालक अमृत शाहीले बताए । एकै पटकमा यहाँ ६० जनासम्म बस्न मिल्ने क्षमता छ । रेस्टुराँ पनि कम्ति आकर्षक छैन । सञ्चालकका अनुसार यसको इन्टेरियर डिजाइन गर्नकै लागि २० लाख रुपैंयाँ खर्चिइएको छ । चिटिक्क परेका सल्लाका कुर्सी र टेबल, सेतो रंगले पोतिएका भित्ताहरु आकर्षक लाग्छन् ।

अमृतको कआगामि लक्ष्य
युवा व्यवसायी अमृत सोच अलि फरक छ । सकेसम्म नेपालका धेरै स्थानहरुमा पाइने परम्परागत खानेकुरा रेस्टुराँमा उपलब्ध गराउने उनको सोच छ । ७७ जिल्लाकै परम्परागत परिकार अध्ययन गरेर उत्पादन गर्ने उनले तयारी समेत थालेका छन् । बाँझो खेत राख्नु हुन्न, त्यसमा उत्पादन गर्नुपर्छ भन्ने उनको मान्यता छ । खानेकुराको सञ्जाल बजारसँग जोडिनु पर्ने कुरामा उनी जोड दिन्छन् ।

फुड् ह्ब्याबिट्बारे आम मानिसहरुलाई बुझाउ“न जरुरी रहेको अमृत बताउँछन् । खाना हाम्रो दैनिकीस“ग जोडिएको छ । हाम्रो, समय, शिक्षा, सिकाई, घुमघाम र जीवनशैलीसँग खानाको प्रत्यक्ष सम्बन्ध जोडिएको छ । हाइजेनिक, अर्गानिक र ताजा खानेकुरा खान पाउनु हेक उपभोक्ताको अधिकार भएको उनी तर्क गर्छन् । नेपालका अधिकांस स्थानहरुमा खेर गईरहेको ढिंडो, सिस्नो खेर गईरहेको छ । त्यसलाई कसरी जुकोट दरबार रेस्टुराँसम्म ल्याउँने ? उनको चा“सो र तयारी त्यता पट्टी पनि छ ।

रेस्टुराँमै हरेक शुक्रबार र शनिबार नेपाली अर्गानिक फुड फेस्टिभल गर्ने अमृतको तयारी छ । यस बाहेक जुकोट दरबार रेस्टुराँ ब्राञ्चहरु राजधानीमा फैलाउने विचार छ । अवस्था राम्रो भयो भने उपत्यका बाहिर पनि यसका ब्राञ्चहरु खोल्ने योजना उनले बुनिरहेका छन् । त्यसका लागि लोकेसन पनि उनले हेरिसकेका छन् । बैंकले लोन नदिने समस्या छ यतिबेला । लोन पाइने भए उनले यतिखेर आँटिसकेका हुन्थे । ‘राज्यले यस्तो बेला उत्पादनलाई बढावा दिनुपर्छ । औद्योगिक क्षेत्रको विस्तारमा ध्यान दिनुपर्छ ।’ अमृत सुनाउ“छन्, ‘भविष्यमा निम्तिन सक्ने संकटलाई बेलैमा सचेत हुन जरुरी छ ।’