काठमाडौँ । नेकपा एकीकृत समाजवादी पार्टीले पाँच दलीय सत्ता गठबन्धनलाई निरन्तरता दिँदै बाम एकताका निम्ति पहल गर्ने भएको छ । आज बसेको पार्टी केन्द्रीय ३२ औँ सचिवालय बैठकले यस्तो निर्णय गरको हो ।

अध्यक्ष माधवकुमार नेपालको अध्यक्षतामा बसेको बैठकले विभिन्न चार वटा निर्णय गरेको छ । जसमा संगठन सुदृढीकरण अभियान तदारुकताका साथ आगाडि बढाउने, समाजवादबारे अवधारणासम्बन्धी दस्तावेज तयार गर्ने र वर्तमान आर्थिक समस्याबारे प्रस्ताव तयार पार्ने पनि रहेका छन् ।

बैठकले चार वटा निर्णय गरेको महासचिव बेदुराम भुसालले हस्ताक्षर गरेको प्रेस विज्ञप्तिमा उल्लेख गरिएको छ ।