काठमाडौं । पिपुल्स पावर लिमिटेडले निष्कासनमा ल्याएको ६ लाख कित्ता आईपीओमा आवेदन दिने आज अन्तिम दिन रहेको छ ।

कम्पनीले आयोजना प्रभावित बासिन्दाका लागि ६ लाख ६२ हजार ६ सय कित्ता शेयरमा आवेदन माग गरेकोमा आज साँझदेखि आवेदन बन्द गर्दैछ ।

कम्पनीले इलामको इलाम नगरपालिका – १ र ४ का बासिन्दालाई १ लाख ८९ हजार ७ सय ८० कित्ता र समग्र इलाम जिल्लाका बासिन्दाका लागि ४ लाख ४२ हजार ८ सय २० कित्ता शेयर खरिदका लागि आवेदन माग गरेको थियो ।

कम्पनीले इलाम नगरपालिका १ र ४ मा पर्ने पुवा खोलामा ४.९६ मेगावाट क्षमताको पुवा–२ जलविद्युत् आयोजना निर्माण गरिरहेको छ ।