तालिबानले बागलानको अन्दारब जिल्लामा एक युवकलाई गोली हानी हत्या गरे र त्यसपछि सार्वजनिक रूपमा जिल्लाको बजारमा उनको शव प्रदर्शन गरेका छन् ।

तालिबानले कासा तरास क्षेत्रको अन्दारबका एक जना बासिन्दालाई गत बुधबार घरबाहिर निस्कन बाध्य पारेको र त्यसपछि उनको हत्या गरेर शव सार्वजनिक प्रदर्शनमा राखेको स्थानीय सञ्चार माध्यमले जनाएका छन् ।

तालिवानको स्वेच्छाचारी हत्या बढिरहेको तथा बितेका दश महिनामा कैयौँ पूर्व सुरक्षा बल र कर्मचारीलाई मारिएका छन् । अफगानिस्तानमा तालिबानले सत्ता सम्हालेको दश महिनामा मानव अधिकारको अवस्थामा सुधार हुन सकेको छैन ।

डर, दण्डहीनता, शक्तिको स्वेच्छाचारी बल प्रयोगको वातावरणको अन्त्य, उजुरी दर्ता गर्न र शक्ति दुरुपयोगको दस्तावेजीकरण गर्न अति कठिन एवम् जोखिमपूर्ण भएको राष्ट्र संघीय मिसनले बताएको छ ।

अफगानिस्तानको अन्तर्राष्ट्रिय दायित्व अनुरूप मानव अधिकार उल्लंघनलाई रोक्न र जवाफदेहिता सुनिश्चित गर्न राष्ट्र संघीय सुरक्षा परिषद् र अन्तर्राष्ट्रिय फौजदारी अदालतले पनि महत्त्वपूर्ण भूमिका निर्वाह गरेको राष्ट्र संघीय मिसनले जनाएको छ ।