काठमाडौँ । पूर्वप्रधानमन्त्री तथा पाकिस्तान तेहरिक-इ-इन्साफ (पीटीआई)का अध्यक्ष इमरान खानले पाकिस्तान श्रीलंकाको अवस्थाभन्दा टाढा नभएको बताएका छन् ।

सर्वसाधारण मानिस असिफ जर्दारीले नेतृत्व गरेको ‘माफिया’विरुद्ध ‘हकीकी आजादी’का लागि सडकमा उत्रनेसमेत उनले चेतावनी दिएका छन् ।

पूर्व क्रिकेटरसमेत रहेका खानले आसिफ जर्दारी र शरीफ परिवारको नेतृत्वमा रहेको माफियाले अवैध रूपमा जम्मा गरेको सम्पत्ति जोगाउन तीन महिनामा देशलाई राजनीतिक र आर्थिक रूपमा तहसनहस पारेको आरोप लगाए ।

‘हामी श्रीलंकाको अवस्थाभन्दा टाढा छैनौं जब हाम्रा जनता सडकमा उत्रने छन्’, खानले भने । पाकिस्तानको ३० वर्षसम्म लुटेर अवैध रूपमा जम्मा गरिएको सम्पत्ति बचाउनका लागि तीन महिनामा जरदारी शरीफको माफियाले देशलाई राजनीतिक र आर्थिक रूपमा घुँडा टेकाएको छ ।

खानले यसअघि आफ्नो सत्ता ढल्नुमा अमेरिकालाई दोष लगाएका थिए ।