काठमाडौँ । निर्वाचन आयोगले आगामी संघ र प्रदेशसभा निर्वाचन सम्पन्न गर्न करिब आठ करोड मतपत्र छापिने बताएको छ ।

स्थानीय तह निर्वाचनको परिणाम र खर्च विवरण सार्वजनिक गर्न मंगलबार आयोजना भएको पत्रकार सम्मेलनमा प्रमुख निर्वाचन आयुक्त दिनेश थपलियाले आठ करोड मतपत्र छापिने बताएका हुन् ।

‘अबको चुनावमा आठ करोड मतपत्र छाप्नु पर्छ, एउटा मतदान केन्द्रमा चार वटा मत पेटिका राख्नुपर्छ, यसअनुसार कर्मचारी पनि चाहिएला,’ उनले भने ।

निर्वाचनको तयारीका लागि आयोगले सम्पूर्ण आन्तरिक तयारी थालेको भन्दै आगामी क्याबिनेटको बैठकबाट मंसिर ४ गते मिति तोकिने आयुक्त थपलियाले विश्वास व्यक्त गरे ।