नुवाकोट । नुवाकोटमा खोलाले बगाउँदा एमालेबाट निर्वाचित महिला सदस्यको ज्यान गएको छ। नुवाकोटको बेलकोटगढी नगरपालिका-१२ क एमालेबाट निर्वाचित महिला सदस्य ५५ वर्षीया सुकुमई तामाङको बेलकोटखोला तर्ने क्रममा खोलाले बगाएर मृत्यु भएको हो ।
मंगलबार साँझ खोलाले बगाएकी तामाङको खोजी गर्दा उनी बगाएको स्थानभन्दा एक किलोमिटर तल रैकरेचौतिस भन्ने स्थानमा मृत फेला परेकी थिइन्। उनको शव पोस्टमार्टमका लागि जिल्ला अस्पताल त्रिशूली पठाइएको नुवाकोट जिल्ला प्रहरी कार्यालयका सूचना अधिकारी एवं डीएसपी रुपक खड्काले बताए। उनी वडा नम्बर १२ की एमालेबाट निर्वाचित महिला सदस्य थिइन्