काठमाडौँ । काठमाडौँ महानगरको फोहोर बोकेका गाडीलाई स्थानीयबासीले रोकेको छ । फोहोर बोकेर गएको गाडीलाई बञ्चरेडाँडाका स्थानीयबासीले रोकेका हुन् ।

फोहोर बोकेको गाडी बञ्चरेडाँडामा पुगेपछि स्थानीयले रोकेपछि बाटोमै गाडीको लाइन लागेको छ । महानगरबाट करिब ६० वटा गाडी फोहोर बोकेर गएको थियो ।

काठमाडौं महानगरको फोहोर गत एक हप्तादेखि उठ्न सकेको थिएन । महानगरको सूचनासँगै आज बिहानैदेखि फोहोर संकलन सुरु भएको थियो । सोही अनुसार बिहान फोहोर बोकेका गाडीहरू बञ्चरेडाँडा गएको थियो ।

स्थानीयबासीले सडक निर्माण पूरा नहुँदासम्म फोहोर नल्याउन आग्रह गरेका छन् ।