काठमाडौँ । भारतमा जारी साफ यु–२० च्याम्पियनसिपअन्तर्गतको खेलमा नेपालले बंगलादेशविरुद्ध बराबरी गोल गरेको छ । बंगलादेशले गोल गरेको पाँच मिनेटपछि नै नेपाले गोल फर्काएको हो ।

नेपालका लागि निरञ्जन मल्लले खेलको ६८ औँ मिनेटमा सानदार गोल गरेका हुन् । सब्स्टिच्युट खेलाडीका रुपमा उनी मैदानमा गएका थिए । बंगलादेशले खेलको ६३ औँ मिनेटमा गोल गरेको थियो ।

आजको खेलमा नेपालले जित्नै पर्ने दबाब छ । खेलमा दुई देशका खेलाडीबीच हात हालाहाल भएपछि एक–एक खेलाडीले रेड कार्ड पाएका थिए । दुवै देश १०–१० जनामा सीमित छन् ।