काठमाडौँ । श्रीलंकाको राज्यसञ्चलित विद्युत निकायले कम खपत गर्ने उपभोक्ताका लागि २६४ प्रतिशतले विद्युत महशुल बढाउने भएको छ । जबकी उच्च प्रयोगकर्ताका लागि केही मात्रै वृद्धि हुने भएको छ ।

घाटामा रहेको सिलोन विद्युत बोर्ड (सीईबी)ले बुधबारदेखि नयाँ शुल्क तोकेको हो । बोर्डले नौ वर्षमा पहिलोपटक उच्च वृद्धि गरेको हो ।

सीईबीले आठ सय प्रतिशतभन्दा बढी शुल्क वृद्धिका लागि अनुरोध गरेको थियो । तर, नियामक निकायले अधिकतम २६४ प्रतिशतसम्म वृद्धि गर्न अनुमति दिएको समाचारमा जनाइएको छ ।

शुल्क वृद्धिले ७.८ मिलियन घर परिवारमध्ये एक महिनामा ९० किलोवाटभन्दा कम विद्युत प्रयोग गर्ने दुई तिहाई सबैभन्दा बढी प्रभावित हुने छन् । ठूला उपभोक्ताले करिब ८० प्रतिशत बढी तिर्ने छन् ।