काठमाडौँ । प्रधानमन्त्री तथा नेपाली कांग्रेसका सभापति शेरबहादुर देउवा र नेता डा. शेखर कोइरालाबीच भेट भएको छ । देउवाले बोलाएपछि कोइराला बालुवाटार पुगेका हुन् ।

देउवा र कोइरालाबीच कुन विषयमा छलफल भएको भन्नेबारे खुलाइएको छैन । कोइराला पक्षको बैठक चलिरहेको बेला देउवाले छलफलका लागि बोलाएका हुन् ।

कोइराला पक्षका दोस्रो तहका नेता तथा भ्रातृ संस्थाका पूर्व पदाधिकारीको बैठक आज बोलाइएको थियो ।