काठमाडौँ । नेपाल समाजवादी पार्टीको सुदूरपश्चिम प्रदेश समितिको भेला सम्पन्न भएको छ । भेलाले नयाँ कार्य समिति गठन गरेको छ ।

जसमा प्रदेशको अध्यक्षमा मिनराज बडु चयन भएका छन् । यस्तै, उपाध्यक्षहरूमा हरि तिमिल्सेना, विनोद चन्द, सीता नागरी र दिनेश बिष्ट चयन भएका छन् ।

समितिको मुख्य सचिवमा राजाराम चौधरी, सचिव डम्बर पाण्डे र गगन बिक चयन हुँदा कोषाध्यक्षमा सुरेन्द्र यादव भएका छन् । बैठकले दुई जना पदाधिकारी पछि राख्ने गरी ७१ सदस्यीय प्रदेश समिति गठन गरेको हो । पार्टीको प्रदेश इञ्चार्जमा भने जनकराज शाह रहेका छन् ।