काठमाडौँ । सत्ता गठबन्धनका शीर्ष नेताहरूले सिट बाँडफाँट गर्न बनेको कार्यदललाई चाँडो काम सक्न निर्देशन दिएका छन् । आज साँझ प्रधानमन्त्री निवास बालुवाटारमा बसेको बैठकमा कार्यदल नेताहरूलाई हालसम्मको प्रगतिबारे ब्रिफिङ गरेको थियो ।

बैठकपछि पत्रकारहरूसँग कुरा गर्दै सञ्चारमन्त्री तथा कार्यदलका सदस्य ज्ञानेन्द्रबहादुर कार्कीले नेताहरूबाट कार्यदललाई चाँडो आफ्नो काम सक्न निर्देशन आएको बताए ।

उनले भने, ‘साझा अवधारणा बनाउने जिम्मेवारी पनि कार्यदललाई नेताहरूले दिनु भएको छ, हामी चाँडै निष्कर्षमा पुर्‍याउने बाटोमा लैजादै छौं ।’