काठमाडौँ । काठमाडौँ महानगरका मेयर बालेन शाहविरुद्ध नाराबाजी भएको छ ।

फुटपाथमा बसेर व्यवसाय गर्दै आएका व्यापारीहरूले काठमाडौँ महानगर मेयर शाहविरुद्ध नाराबाजी गरेका हुन् ।

फुटपाथ व्यवस्थापनको नाममा महानगरले साना व्यापारीको रोजीरोटी खोसेको भन्दै ज्ञापन पत्र बुझाउन गएका व्यापारीले काठमाडौँ महानगर परिसरमा नाराबाजी गरेका हुन् ।

सडक स्वरोजगार श्रमिकलाई मापदण्ड बनाएर व्यवस्थापन गर्नु पर्ने, सडक किनारमा स्वरोजगार गरिरहेका श्रमिकको अभिलेखीकरण गरी परिचयपत्र दिनु पर्ने र महानगरबाट भइरहेको अमानवीय व्यवहार बन्द गर्नु पर्ने तीनवटा माग राखेका छन् ।