विराटनगर । नेकपा माओवादी केन्द्रका अध्यक्ष पुष्पकमल दाहाल प्रचण्डले सत्ता गठबन्धनले आगामी एक साताभित्र सिट बाँडफाँटको टुंगो लगाईसक्ने दावी गरेका छन् । जेवी टुहुरोको कार्यक्रमका लागि धरान जान लागेका प्रचण्डले विराटनगर विमानस्थलमा पत्रकारहरुसँग कुरा गदैं भदौं १५ भित्र सवै सिट बाँडफाँटको टुग्गो लागिसक्ने बताएका हुन् ।

बाहिर हल्ला भएकोजस्तो असहमति वा सकसपूर्ण अवस्था गठबन्धनभित्रको छलफलमा नरहेको पनि प्रचण्डले बताए ।

‘बाहिर चर्चा भएजस्तो एकदमै धेरै समस्या त्यस्तो केही छैन, हामी निरन्तर छलफलमा छौं। कार्यदलले काम गरिरहेको छ,’ प्रचण्डले भने,–‘भदौं १५ भित्र सिट बाँडफाँट सक्किसक्छ ।’