काठमाडौँ । प्रधानन्यायाधीश सिफारिस प्रकरणपछि प्रधानमन्त्री बालेन्द्र शाहसँग चिढीएकी पूर्वप्रधानमन्त्री सुशीला कार्की सार्वजनिक रुपमै बालेनप्रति खनिन थालेकी छन् ।

पहिलाे वरियताकी न्यायाधीश सपना प्रधान मल्ललाई पन्छाएर चाैथाे वरियताका डा. मनाेजकुमार शर्मालाई संवैधानिक परिषद्ले सिफारिस गरेपछि कार्की असन्तुष्ट बनेकी हुन् । यसअघि बालेनलाई छोरा सरह भन्दै आएकी सुशीला अहिले उनीसित नराम्ररी चिढिएकी छन् ।

यसैबीच शनिबार काठमाडौंको राष्ट्रिय सभा गृहमा कानुन दिवसमा आयोजित कार्यक्रममा सरिक हुन कार्की पुगेकी थिइन् । त्यहाँ आफूलाई आमा भन्दै सम्बोधन गरेका एक पत्रकारलाई उनले कडा भाषा प्रयोग गर्दै ‘अब बालेनको श्रीमतीलाई आमा भन्न’ सुझाव दिइन् ।

उनी कार्यक्रम सकेर बाहिरिने क्रममा सञ्चारकर्मी दिवाकर साहले उनलाई ‘आमा’ सम्बोधन गरेर बोलाएका थिए ।कार्कीले ‘ को हो आमा भन्ने ?’ भन्दै यताउता हेरिन् । अनि साहलाई देखेर भनिन्, ‘तिमीहरूको आमा फेरिइसक्यो । म मेरो बच्चाको मात्रै आमा हो ।’

साहले भने, ‘होइन, तपाईं देशकै आमा हो’ । कार्कीले जवाफ फर्काइन्, ‘मलाई होइन, बालेनकी श्रीमतीलाई आमा भन्नू ।’