काठमाडौँ । काठमाडौँ महानगरले राहदानी विभागले नक्सा पास नगरी भवन बनाएको जनाएको छ । विभागले गत वर्ष मात्रै यो भवन बनाएर सम्पन्न गरेको हो ।

महानगरको एक अधिकारीका अनुसार यस भवनको नक्सा पास नदेखिएको हो । विभागले यो भवन एक अर्ब पाँच करोड लागतमा बनाएको थियो ।

नक्सा पास नभएको भवनमा भूमिगत पार्किङसहित विभिन्न सेवा रहँदै आएको थियो । सोही बेसमेन्टलाई खाली गर्न पुगेको महानगरका मेयर बालेन साहसहितको टोलीले बेसमेन्टमा भएको सामान हटाएर खाली गराएको थियो ।

यता विभागले बेसमेन्टलाई सेवाग्राहीलाई राख्न नदिए कार्यालयबाट सेवा दिन नसकिने बताउँदै आएको छ । ‘हाम्रो रेकर्डमा विभागको भवनको नक्सा पासको रेकर्ड भेटिएन,’ महानगरका अधिकारीले भने ।