काठमाडौँ । ‘कुमारी आमा’को उपनामले परिचित निहारिका राजपुतले अभिनेत्री करिश्मा मानन्धरसँग सहयोग स्वरुप लिएको पैसा फिर्ता गरेकी छन् । उनले २१ हजार रुपैयाँ फिर्ता गरेकी हुन् ।

निहारिकाले २१ हजार रुपैयाँसँगै आफ्नो छोराका लागि दिइएको चश्मासमेत फिर्ता गरेकी छन् । एक पार्टी प्यालेसमा तिजको कार्यक्रममा पुगेकी करिश्मालाई उनले पैसा र चश्मा थमाइदिएकी हुन् । पैसा दिँदै उनले करिश्मालाई भनिन्, ‘प्लिज तपाईं आफ्नो पैसा राख्नुस्, म आफ्नो बच्चा पाल्न सक्छु ।’

करिश्माले सुरुमा पैसा फिर्ता लिन मानेकी थिइनन् । तर, निहारिकाले हातमा थमाइदिएपछि लिएकी थिइन् । उनले भनिन्, ‘आमा सोचेर लिएको थिएँ, अब तपाईंको दया चाहिएन ।’

निहारिका अनशन बसेको बेला करिश्माले भावुक हुँदै सहयोग स्वरुप २० हजार दिएकी थिइन् । तर, पछि निहारिकालाई पीडित भनेर सहयोग गरे पनि पीडित नभएको भन्दै निजी तस्बिरहरू सामाजिक सञ्जालमा राख्दै सहयोग गरेकोमा पछुतो मानेकी थिइन् ।न्दै उनले निहारिकाको नीजि तस्विर सामाजिक सञ्जालमा पोस्ट गरिन् ।

यस घटनालाई लिएर निहारिकाले करिश्माविरुद्ध उजुरी हाल्ने तयारीमा छिन् ।