काठमाडौँ । आज कुशे औँसी । आजको दिनलाई बुवाको मुख हेर्ने पर्वका रुपमा मनाउने गरिन्छ ।

यस पर्वमा छोराछोरीले आफ्ना बुवालाई मन पर्ने खानेकुरा, फलफूल, मिठाई खुवाएर तथा उपहार दिएर सम्मान गर्ने प्रचलन रही आएको छ ।

आजकै दिन बुवा नहुनेले काठमाडौँ उत्तरपूर्वमा अवस्थित गोकर्णेश्वर महादेव, रसुवाको बेत्रावती, तनहुँको देवघाट, सुनसरीको विष्णुपादुका तथा बराहक्षेत्र लगायतका पवित्र तीर्थ स्थल पुगेर स्नान गरी पितृहरूको नाममा श्राद्ध गरी तर्पण दिई दान दिने प्रचलन रही आएको छ ।