यी हुन् समानुपातिक उम्मेदवार बन्न नपाउने कांग्रेसका नेता (सुचिसहित)

सुजाता कोइराला देखि बालकृष्ण खाडँसम्मले दिन पाउँदैनन् समानुपातिक उम्मेदवारी

मेरोन्यूज २०७९ भदौ ११ गते २१:१७

काठमाडौं । आसन्न मंसिर ४ मा हुने निर्वाचनमा नेपाली काँग्रेसका केही सांसदहरुले समानुपातिक उम्मेदवार बन्न नपाउने भएका छन् । नेपाली कांग्रेसको विधान अनुसार कांग्रेसले प्रतिनिधि सभा र प्रदेश सभाका उम्मेदवारहरूको नाम सिफारिश गर्दा समानुपातिक प्रणालीबाट सांसद भएकाहरूलाई यसपटक अवसर दिन पाइने छैन ।

पार्टीले परिपत्र गरेपछि गृहमन्त्री बालकृष्ण खाँण सहितका मन्त्रीहरूले यो अवसर नपाउने पक्का भएको छ । महामन्त्री गगन थापाले गरेको परिपत्रमा समानुपातिक सांसदहरूलाई पुनः समानुपातिकको उम्मेदवार नबनाउन निर्देशन दिइएको छ ।

नेपाली कांग्रेसको विधान अनुसार, प्रतिनिधि सभा र प्रदेश सभा सदस्यमा पार्टीको तर्फबाट समानुपातिक आधारमा निर्वाचित व्यक्ति तत्काल त्यसपछिको प्रतिनिधि सभा वा प्रदेश सभामा पार्टीको तर्फबाट समानुपातिक आधारमा पुनः उम्मेदवार हुन पाउनेछैन।

समानुपातिक उम्मेदवार बन्न नपाउने कांग्रेसका प्रतिनिधिसभा सांसदहरूः

सुजाता कोइराला

बालकृष्ण खाँण

दिलेन्द्रप्रसाद बडू

सीतादेवी यादव

चित्रलेख यादव

बहादुरसिंह लामा

नागेन्द्र कुमार

जिपछिरिङ लामा

दिब्यमणी राजभण्डारी

मिनाक्षी झा

अतहर कलाम मुसलमान