काठमाडौँ । नेपाली कांग्रेसका नेता डा. शेखर कोइरालाले आगामी निर्वाचनमा दलबीचको गठबन्धन देशको आवश्यकता भएको बताएका छन् ।

नेपाली कांग्रेस मोरङ क्षेत्र नं ६ द्वारा आयोजित प्रशिक्षण कार्यक्रमको उद्घाटन गर्दै उनले कांगेस गठबन्धन गरेर निर्वाचनमा जाने भएको र यो जरुरी रहेको स्पष्ट पारे । उनले आगामी सङ्घीय निर्वाचनमा कांग्रेसले गठबन्धन दलसँग कम्तीमा सय सिटमा सहमति गर्नु पर्ने बताए ।

उनले कांग्रेसले विं.सं. २०७४ को निर्वाचनमा सङ्घीय संसद् र प्रदेशसभामा विजयी भएका स्थान आफूले राख्नु पर्नेमा जोड दिँदै ७७ जिल्लामा सङ्घीय संसद् वा प्रदेशसभामा प्रतिनिधित्व हुनु आवश्यक रहेको बताए ।