काठमाडौँ । कपिलवस्तुको बुद्धभूमि नगरपालिका १० मा भएको दुर्घटनामा २१ जना घाइते भएका छन् ।

तौलिहवाबाट काठमाडौँतर्फ आउँदै गरेको बा २ ख ६६६० नम्बरको हाइस र विपरित दिशाबाट जाँदै गरेको ना ८ ख ६६९७ नम्बरको टिपर आज दिउँसो ठोक्किएका थिए ।

दुर्घटनामा हाइसमा सवार २१ जना घाइते भएका हुन् । घाइते सबैलाई उपचारको लागि जिल्ला अस्पताल तौलिहवा पठाइएको छ । घाइतेमध्ये तीन जनाको अवस्था गम्भिर रहेको इलाका प्रहरी कार्यालय गोरुसिंगेले जनाएको छ ।

दुवै सवारी साधनसहित टिपर चालकलाई इलाका प्रहरी कार्यालय गोरुसिङगेले नियन्त्रणमा लिएको छ ।