काठमाडौँ । नेकपा एमाले केन्द्रीय प्रचार तथा प्रकाशन विभागका उपप्रमुख विष्णु रिजालले पार्टी अध्यक्ष केपी शर्मा ओली सबैभन्दा मूल्यवान सम्पत्ति भएको बताएका छन् । उनले ओली एमालेको मूल्यवान सम्पति भएकाले जनतामाझ खडा गरेको बताए ।

नेता रिजालले देशको आशा भरोसा नेकपा एमालेका अध्यक्ष ओलीमा मात्रै रहेको भन्दै दाबी गर्दै भावी प्रधानमन्त्रीका रुपमा एमालेले उनलाई उभ्याएको बताए । एमाले केन्द्रीय कार्यालयमा आज आयोजित पत्रकार सम्मेलनमा उनले एमाले अध्यक्ष ओलीलाई भावी प्रधानमन्त्रीमा उभ्याउनुको कारणबारे बताएका थिए ।

कार्यक्रममा उनले ७५ वर्षको इतिहासमा ओलीको नेतृत्वको सरकारमा जत्ति कसैले काम नगरेको दाबी गरे । यसैले उनलाई विकास र निर्माणको संवाहक मान्दै अघि सारेको बताए ।

उनले राष्ट्रियता र राष्ट्रवादमा उनीजत्तिको अरु कोही नउभिएको बताउँदै वर्षैंअघिदेखिको सीमा विवाद होस्या दुई छिमेकी देशको सम्बन्ध सन्तुलनमा होस सबैमा उनी सफल रहेको बताए । यसकारण फेरि पनि उनको नेतृत्व राष्ट्रका लागि आवश्यक रहेको रिजालले बताए ।

कार्यक्रममा रिजालले कम्युनिष्ट आन्दोलनका निर्माता पनि ओली भएको दाबी गरे । अहिले कम्युनिष्ट आन्दोलनको कुरा गर्दा २०२८ साल अभि र पछि भनेर व्याख्या गर्नु पर्ने बेला आएको बर्ता । झापा आन्दोलनको नेतृत्व ओलीले नै गरेको उनको भनाइ छ । यो आन्दोलन उनैले गरेका थिए ।