काठमाडौँ । सत्ता गठबन्धन दल जनता समाजवादी पार्टी (जसपा)ले धनुषाबाट उम्मेदवार टुंग्गो लगाएको छ । आगामी मंसिर ४ गते हुने संघ र प्रदेशसभा निर्वाचनका लागि पार्टीले उम्मेदवार टुंग्याएको हो ।

टुंग्गो लागेको उम्मेदवारमा जनकपुरधाम उपमहानगरपालिकाको मेयरमा पराजित भएका लालकिशोर साह र बलराम महतोको नामसमेत रहेको छ । उनीहरूको नाम प्रतिनिधिसभाको उम्मेदवारमा सिफारिस गरेको हो ।

लालकिशोर जसपाबाटै जनकपुरधामको मेयरका उम्मेदवार बनेका थिए । महतोले स्थानीय निर्वाचनमा स्वतन्त्र उम्मेदवार दिएका थिए ।

साहको नाम क्षेत्र नम्बर ३ बाट र महतोको नाम २ वा ४ नम्बरबाट सिफारिस भएको हो । क्षेत्र नम्बर १ बाट दीपक कार्की मात्र सिफारिस भएका छन् भने क्षेत्र नम्बर २ बाट महतोसँगै गजाधर यादव, सूर्यचन्द्र यादव, देबकृष्ण मण्डललगायतको नाम सिफारिस भएको छ ।

क्षेत्र नम्बर ३ बाट साहसँगै जितेन्द्र यादव, विजय भगत र सर्वजीत ठाकुरको नाम सिफारिस भएको छ । क्षेत्र नम्बर ४ बाट महाजन यादवसँगै महतोको नाम पनि सिफारिस भएको छ ।