काठमाडौँ । नेपालले केन्यालाई पाँचौँ तथा अन्तिम टी-२० अन्तर्राष्ट्रिय क्रिकेट खेलमा पराजित गर्दै सिरिज जितेको छ । नेपालले दिएको १७६ रनको लक्ष्य पछ्याएको केन्याले २० ओभरमा ७ विकेट गुमाए १४४ रन मात्रै बनाएको हो ।

नैरोवीस्थित जिमखाना क्रिकेट मैदानमा भएको खेलमा केन्या ३१ रनले पराजित हुँदा सिरिज नेपालको पक्षमा आएको हो । नेपालले ७ विकेट गुमाउँदै १७५ रन बनाएको थियो । नेपालका लागि अर्जुन साउदले २९ तथा दीपेन्द्रसिंह ऐरीले २२ रनको योगदान दिएका थिए ।

यस्तै, ज्ञानेन्द्र मल्ल ४३ बलमा सर्वाधिक ५९ रन बनाएका थिए । उनले दुई छक्का र पाँच चौका प्रहार गरे । यसैगरी, रोहित पौडेलले ४७ रन बनाए । उनी अर्धशतक बनाउनबाट चुके । उनले ७ चौका प्रहार गरे ।

खेलमा अदिल अलामले ४ रन बनाउँदा विवेक कुमार यादवले २ रन बनाएर आउट भए । करण केसी २ रन बनाउँदै नटआउट हुँदा सोमपाल कामीले शून्य रनमा नटआउट भएका थिए ।

बलिङतर्फ नेपालका लागि कप्तान सन्दीप लामिछने, दिपेन्द्र सिंह ऐरी र वसिर अहमदले समान दुई-दुई विकेट लिए । यस्तै, अदिल आलमले एक विकेट लिए ।

केन्याका लागि शेम एद्दगोचे, नेहेमिह ओडिएम्बो र भिराज पटेलले दुई-दुई विकेट लिए ।