काठमाडौँ । प्रहरीले श्रीमतीको हत्या गरेको आरोपमा बाराबाट युवकलाई पक्राउ गरेको छ । उनीसँगै एक महिला पनि पक्राउ परेकी छन् ।

पक्राउ पर्नेमा महागढीमाई नगरपालिका ३ गंजभवानीपुर टोल बस्ने २७ वर्षीय सैमोदिन अंसारी र २५ वर्षीया अप्सना खातुन रहेका छन् ।

सैमोदिनको श्रीमती २५ वर्षीया सहनाज खातुनको हत्या आरोपमा उनीहरूलाई पक्राउ गरिएको जिल्ला प्रहरी कार्यालय बाराले जनाएको छ । अप्सना सहनाजकी जेठानी हुन् भने सैमोदिनको भाउजु ।

हिजो बिहीबार सहनाजको घरमै मृत्यु भएको सूचना पाएसँगै प्रहरीले अनुसन्धान सुरु गरेको थियो । प्रहरी टोलीले घटनास्थलको सुक्ष्म अध्यायन गरेको थियो ।

प्रहरीले सैमोदिनसँग सोधपुछ गर्दा सैमोदिनले घटनामा भाउजु अप्सनासमेत रहेको बताएका थिए । प्रहरीले बिहीबार नै उनीहरूलाई पक्राउ गरेको हो ।