काठमाडौँ । सत्ता गठबन्धनका शीर्ष नेताहरूको बैठक स्थगित भएको छ । आज बस्ने भनिएको गठबन्धनको निर्णायक बैठक शनिबारका लागि सरेको हो ।

बालुवाटारमा दिउँसो ३ बजे गठबन्धनको बैठक बस्ने तय भएको थियो । प्रधानमन्त्री शेरबहादुर देउवा र नेकपा एकीकृत समाजवादी पार्टीका अध्यक्ष माधव नेपालको व्यस्तताले बैठक स्थगित भएको हो ।

अब बैठक भोलि चार बजे बस्ने तय भएको छ । सिट बाँडफाँटका लागि गठन भएको कार्यदलले शीर्ष नेताहरूलाई आफ्नो प्रतिवेदन बुझाइसकेको छ ।