काठमाडौं । नेपाली कांग्रेसले प्रधानमन्त्री शेरबहादुर देउवापत्नीसमेत रहेकी केन्द्रीय सदस्य आरजु राणा देउवालाई प्रतिनिधिसभामा समानुपातिकतर्फबाट उम्मेदवार बनाउने भएको छ । विभिन्न पाँच ठाउँबाट प्रतिनिधिसभामा उमेदवारका रूपमा नाम सिफारिस भएपनि अन्तिममा उनलाई समानुपातिकको सूचीमा समेटिएको छ । स्ाेतका अनुसार समानुपातिकमा कांग्रेस समानुपातिक सूचीमा – डा आरजु राणा, बिमलेन्द्र निधि, गोपालमान श्रेष्ठ, डा रामशरण महत, सहमहामन्त्री द्वय जीवन परियार, फरमुल्लाह मन्सुर, अम्बिका बस्नेत लगायतकाे नाम बन्दसुचीमा राखिएकाे छ ।