काठमाडौँ । मनास्लु हिमालमा सोमबार बिहान गएको हिम पहिरोमा परी १३ जना बेपत्ता भएका छन् । घटनामा नेपाली शेर्पासहित कम्तीमा १३ जना बेपत्ता भएका हुन् ।

८ हजार १६३ मिटर उचाइको मनास्तुको ४८ सय मिटर उचाइमा रहेको आधार शिविरमा हिम पहिरो गएको हो । छाङदावाका अनुसार, हेलि एभरेष्ट, कैलास हेलिकप्टर र सिम्रिक एयरका तीन वटा बीथ्रीई हेलिकप्टर गोरखाको उत्तरी गाउँ सामामा उद्धारका लागि काठमाडौंबाट पुगिसकेका छन् ।

उक्त हिमालको ६ हजार ८ सय मिटर उचाईको तेस्रो शिविरदेखि ७ हजार ४५० मिटर उचाइमा रहेको शिविरमा बन्दोबस्तीका सामग्री ओसार्ने क्रममा रहेका शेर्पा तथा आरोही हिम पहिरोमा परेका हुन् ।