पोखरा । नेपाल पुलिस क्लबका बिनेश खनियाँले नवौं राष्ट्रिय खेलकुदअन्तर्गत टेवल टेनिसको तीन स्पर्धामा स्वर्ण जितेका छन् । पोखरामा जारी सोमबार भएको प्रतियोगितामा मिक्स्ड डवल, पुरुष डवल र टिम स्पर्धामा बिनेशले पुलिसका लागि स्वर्ण जितेका हुन् ।
पुरुष डवल्सतर्फ बिनेश र नेपाल नम्बर एक स्यान्टूको जोडीले एपीएफका शिवसुन्दर गोथे र अमरलाल मल्लको जोडीलाइ ३(१ को सेटमा पराजित गरे । यो स्पर्धामा त्रिभुवन आर्मी र प्रदेश १ ले कांस्य जिते ।

यसअघि आइतबार भएको स्पर्धामा पुरुष टिमतर्फ बिनेशसहित स्यान्टू , प्रदीप रोका, विपुल महर्जन र संयोग कपालीको टिमले फाइनलमा एपीएफलाई हराएर स्वर्ण जितेको थियो ।