काठमाडौँ । स्पेनिस क्लब बार्सिलोना युईएफए च्याम्पियन्स लिग फुटबलको समूह चरणबाटै बाहिरिएको छ ।

बुधबार राति जर्मन क्लब बायर्न म्युनिखसँग ३-० ले पराजित भएपछि बार्सिलोना तेस्रो स्थानमा रहँदै च्याम्पियन्स लिगबाट बाहिरिएको हो । यससँगै बार्सिलोनाले युरोपा लिग खेल्ने छ ।

बायर्नको जितमा साडियो माने, मोटिङ र बेञ्जामिन पाभार्डले एक एक गोल गरे । जितसँगै बायर्न ५ खेलमा १५ अंक जोडेर शीर्ष स्थानमा रह्यो ।

समूह ‘सी’ को बाट इन्टर मिलान अन्तिम १६ मा प्रवेश गर्‍यो ।बार्सिलोना ४ अंक जोडेर तेस्रो स्थानमा छ ।