काठमाडौँ । नेपाल क्रिकेट संघ (क्यान)ले रोहितकुमार पौडेललाई राष्ट्रिय क्रिकेट टोलीको कप्तानमा नियुक्त गरेको छ । क्यानले शुक्रबार पौडेललाई राष्ट्रिय क्रिकेट टोलीको कप्तानमा नियुक्त गरेको हो ।

यसअघिका कप्तान सन्दीप लामिछाने नाबालिकमाथि बलात्कारको आरोपमा निलम्बित भई जिल्ला अदालत काठमाडौँले पुर्पक्षका लागि जेलमा पठाएपछि उक्त पद रिक्द रहँदै आएको थियो ।

केन्या टुरमा रोहितले ५० ओभरको खेलमा नेपालको कप्तानी गरिसकेका थिए । यसअघि सन्दीप कप्तान हुँदा उनी उपकप्तान थिए ।