काठमाडौं । कोभिड–१९ संक्रमणबाट बच्न ह्यान्ड सेनिटाइजर प्रयोग गर्दा ध्यान दिनु पर्ने अवस्था आएको छ ।
औषधि व्यवस्था विभागले जीएचसी ह्यान्ड सेनिटाइजर ५०० एमएल गुणस्तरीय नरहेको बजार अनुगमनका क्रममा पाइएको जनाएको छ । केयर ११–२२ ब्याचको सेनिटाइजर गुणस्तरीय नरहेको भन्दै विभागले बजारबाट तुरुन्त फिर्ता ल्याउन पनि सम्बन्धित कम्पनीलाई निर्देशन दिएको छ । फिर्ता ल्याएर त्यसको जानकारी गराउन पनि विभागले भनेको छ ।

यसअघि पनि विभिन्न कम्पनीका आधा दर्जनभन्दा धेरै ह्यान्ड सेनिटाइजर गुणस्तरहीन रहेको भन्दै बजारबाट फिर्ता ल्याउन विभागले निर्देशन दिएको थियो ।