काठमाडौँ । युनाइटेड अरब इमिरेट्स (युएई)लाई ६ विकेटले पराजित गर्दै नेपाली राष्ट्रिय क्रिकेट टिम विजयी भएको छ । तीन खेलको एक दिवसीय श्रृङखला २–१ ले जितेको हो ।

ओपनर आसिफ शेख र ज्ञानेन्द्र मल्ल उत्कृष्ट प्रदर्शनले युएई ६ विकेटले पराजित भएको हो । त्रिवि मैदानमा गत सोमबार सम्पन्न पहिलो खेलमा ८४ रनले पराजित नेपालले बुधबारको दोस्रो खेल ३ विकेटले विजयी भएको थियो ।

शुक्रबारको खेलमा युएईले दिएको १७७ रनको लक्ष्य दिएको थियो । जवाफी ब्याटिङमा उत्रिएको नेपालले ४०.१ ओभरमा चार विकेट गुमाएर पूरा गरेको हो ।

खेलमा ओपनर आशिफ र तेस्रो नम्बरमा ब्याटिङ गरेका ज्ञानेन्द्र मल्लले अर्धशतक बनाए । अर्का ओपनर अर्जुन साउद ९ रनमा आउट हुँदा नेपालले १० ओभरमा २४ रन बनाएको थियो ।

त्यसपछि आएका ज्ञानेन्द्रले आशिफसँग मिलेर दोस्रो विकेटका लागि १२२ रनको शतकीय साझेदारी गर्दै जित सुनिश्चित बनाएका थिए ।

ज्ञानेन्द्रले ७३ बलमा ७ चौका र ३ छक्कासहित ६४ रन बनाए । एक दिवशीय अन्तर्राष्ट्रिय क्रिकेटमा उनको यो पाँचौं अर्धशतक हो ।

एक दिवशीय अन्तर्राष्ट्रियमा पाँचौं अर्धशतक बनाएका आशिफ ८८ रनमा अविजित रहे । उनले ११९ बलमा १२ चौका प्रहार गरे । कप्तान रोहितकुमार पौडेलले १० रन बनाए ।