आइतबार, मंसिर १४, २०८२

कतार विश्वकप २०२२

पहिलो हाफमा नेदरल्यान्ड्सविरुद्ध अर्जेन्टिनाको अग्रता

मेरोन्यूज २०७९ मंसिर २४ गते १:४१

काठमाडौं । फिफा विश्वकप कतार २०२२ अन्तर्गत अर्जेन्टिनाले दोस्रो क्वाटरफाइनलमा नेदरल्यान्ड्सविरुद्ध अग्रता लिएको छ । नाहेल मोलिनाको गोलमा अर्जेन्टिना पहिलो हाफमा १-० ले अघि छ ।

मोलिनाले ३५ औं मिनेटमा गोल गर्दै अर्जेन्टिनालाई अग्रता दिलाए । उनले कप्तान लिओनेल मेस्सीको अविश्वसनीय पासलाई वन भर्सेस वनको स्थितिमा फिनिस गरेका थिए ।

मेस्सीले बल लिएर पेनाल्टी क्षेत्रको बायाँतर्फ बढ्न लागेको अवस्थामा नेदरल्यान्ड्सको पूरै डिफेन्स लाइन चिर्नेगरी अगाडि पास खेलेका थिए । मेस्सीले अगाडि नहेरी दिएको पास मोलिनाकै पथमा पुगेपछि उनले गोल गरेर पहिलो हाफमा अर्जेन्टिनालाई १-० को अग्रता दिलाएका हुन् ।

प्रतिक्रिया