काठमाडौँ । नेकपा एमालेको आज बसेको बैठकले कर्णाली प्रदेशबाट समानुपातिकतर्फ पाँच जना प्रदेशसभा सदस्यको टुंगो लगाएको छ ।

नेकपा एमालेको आजको बैठकले निर्वाचन आयोगलाई बुझाएको सूचीअनुसार हुम्लाका कलबहादुर हमाल चयन भएका छन् । यस्तै, जनजातिबाट सुर्खेतकी नन्दा गुरुङ, दलित महिलाबाट दैलेखकी गमता वि.क., खस आर्यतर्फबाट कालिकोटकी दक्षिणा शाही र रुकुम पश्चिमकी तुलसा मल्ल छानिएका छन् । 

एमालेले प्रत्यक्षतर्फका २४ सिटमध्ये कर्णालीमा पाँच सिट जितेको छ । एमाले कर्णालीमा दश सिटसहित तेस्रो दल बनेको हो । १४ सिटसहित कांग्रेस पहिलो, १३ सिटसहित माओवादी दोस्रो बनेका छन् । राप्रपा र नेकपा एसको भागमा एक–एक सिट परेको छ ।