काठमाडौँ । सेञ्चुरी कमर्सियल बैंक लिमिटेड र काठमाडौँ क्यान्सर सेन्टर, चाँगुनारायणबीच कर्मचारी तथा ग्राहकको उपचार सेवा विषयमा सम्झौता भएको छ ।

बैंकको डेबिट कार्ड, क्रेडिट कार्ड, मोबाईल बैंकिङ्ग प्रयोगकर्ता, सम्पूर्ण ग्राहक वर्गहरू तथा बैंकका कर्मचारीलाई काठमाडौँ क्यान्सर सेन्टर, चागुनारायणमा विभिन्न सेवामा छुट प्रदान गर्ने गरी सम्झौता भएको हो । थ्री डी सीआरटी सेवा, आईएमआरटी सेवा, भीएमएटी सेवालगायत अन्य सेवामा छुट दिने सम्झौता भएको छ ।

उक्त सम्झौता पत्रमा काठमाडौँ क्यान्सर सेन्टर, चाँगुनारायणका तर्फबाट अध्यक्ष अञ्जनी कुमार झा र बैंकको तर्फबाट बागमती प्रदेश प्रमुख दिपेन्द्र बाबु विष्टले हस्ताक्षर गरेका थिए ।

सेञ्चुरी कमर्सियल बैंक लिमिटेडका १४८ शाखा, १० एक्सटेन्सन काउण्टर, २४ शाखारहित बैंकिङ्ग र ११५ वटा एटिएम मार्फत वित्तीय सेवा प्रदान गर्दै आएको छ ।