काठमाडौँ । अर्जेन्टिना विश्व विजेता बनेको छ । फिफा विश्वकप २०२२ मा फ्रान्सलाई पराजित गर्दै अर्जेन्टिना तेस्रोपटक विश्वकप विजेता बनेको हो ।

अर्जेन्टिनाले ३६ वर्षपछि विश्वकप जितेको हो । कतारको लुसिल स्टेडियममा भएको फाइनल खेलमा अर्जेन्टिनाले फ्रान्सलाई पेनाल्टी सुटआउटमा ४–२ ले पराजित गरेको हो ।

खेलको पहिलो हाफको २३ औँ मिनेटमा कप्तान लियोनल मेसीले अर्जेन्टिनालाई अग्रता दिलाएका थिए । यस्तै, ३५ औँ मिनेटमा डि मारियाले गोल गर्दै टोलीको अग्रतालाई दोब्बर बनाएका थिए ।

दोस्रो हाफमा फ्रान्सका स्ट्राइकर केलियन एम्बापेले ८० औँ र ८२ औँ मिनेटमा गोल गर्दै बराबरी बनाए । त्यसपछि खेल अतिरिक्त समयमा गएको थियो ।

अतिरिक्त समयको १०८ औँ मिनेटमा मेसीले व्यक्तिगत दोस्रो गोल गर्दै पुनः अर्जेन्टिनालाई अग्रता दिलाए । तर, त्यसको १० मिनेटपछि अर्थात ११८ औँ मिनेटमा ह्याट्रिक पूरा गर्दै एम्बाप्पेले खेललाई ३–३ को स्थिति बनाएका थिए । अतिरिक्त समयमा थप गोल हुन नसकेपछि खेल पेनाल्टी सुट आउटमा पुगेको थियो ।

फ्रान्सका लागि पहिला पेनाल्टी हान्न आएका एम्बाप्पेले गोल गरे । दोस्रोमा ओउरेलिन चुआमेनी र किङग्स्ले कोमानको पेनाल्टी अर्जेन्टिनाका गोलकिपर मार्टिनेजले रोकेका थिए ।

अर्जेन्टिनाका लागि मेसी, आउलो डिबाला, लेन्ड्रो पारेडेस र गोञ्जालो मोन्तेइलले गोल गर्दै ३६ वर्षपछि आफ्नो देशलाई विश्वकप विजेता बनाए ।