काठमाडौँ । संयुक्त राष्ट्र संघीय महासचिव एन्टोनियो गुटरेसले आप्रवासीहरुको संरक्षण र सम्मानका लागि आग्रह गरेका छन् । उनले विश्वमा आप्रवासीहरूको संरक्षण र सम्मानका लागि कुनै कार्यक्रमहरु नभएको देखिएकाले सो आग्रह गरेका हुन् ।

विश्वमा अर्थतन्त्रको विकासका लागि आप्रवासीहरूको ठूलो योगदान रहेकाले यसको सम्मान गर्दै विश्वमा आप्रवासीलाई विना कुनै भेदभाव सम्मान गर्नु पर्ने र उनीहरुको संरक्षणको खाँचो रहेको महासचिव गुटरेसले बताए ।

विश्व आप्रवासन दिवसका अवसरमा उनले जारी गरेको सन्देशमा सो कुरा बताएका हुन् । उनले विश्वमा पछिल्ला वर्षमा कुनै पनि देशको आन्तरिक द्वन्द्व तथा विविध कारणले आप्रवासीको संख्यामा पनि वृद्धि भइरहेको जानकारी दिए ।

विश्वमा कोरोना महामारीका कारण देखिएको समस्याले आर्थिक मन्दी ल्याएको र यसबाट काम गरेर खाने बर्गका आप्रवासीमा पनि समस्या उत्पन्न भएको भन्दै अहिले विश्वका आप्रवासीको समस्या समाधानका लागि सबै पक्ष लाग्नु पर्ने पनि बताएका थिए ।

विश्वमा पछिल्ला वर्षमा कुनै पनि देशको आन्तरिक द्वन्द्व तथा विविध कारणले आप्रवासी देश छोडेर भाग्नु पर्ने अवस्था आएको र उनीहर्रू यस अर्को देशमा जाने क्रममा असुरक्षित यात्रा गर्न बाध्य भएकाले उनीहरूको सुरक्षाका लागि लाग्न पनि विश्वका देशलाई आग्रह गरे ।

उनले मानवीय सहायताका क्षेत्रमा काम गर्न र उनीहरूका हक अधिकारका लागि पनि सचेत रहन विश्वमा आप्रवासी रहेका देशका सरकारहरूसँग आग्रह गरे ।