काठमाडौं । नेपाली फिल्म उद्योगमा बेला बेला नीति शाहको चर्चा भैरहन्छ। नीतिले निर्माता सन्तोष सेनको फिल्म ‘हुतुतु’मा काम गर्ने चर्चा भएको थियो । सेनले नीतिसँग औपचारिक रुपमै सम्झौता गरे। तर यो फिल्म निर्माण कार्य नै अगाडी बढ्न सकेन।
नीतिले अनमोल केसीसँग स्क्रिन शेयर गर्ने चर्चा थियो। फिल्म ‘एक्स ९’का लागि नीतिलाई निर्माता मुकुन्द भट्टले अनुबन्धित गराए। यो फिल्मका किसिम किसिमका पोस्टर पनि सार्वजनिक भए। तर यो फिल्म पनि निर्माण चर्चामा मात्रै सीमित छ।
नीतिले बलिउड स्टार सुनिल सेट्टीसँग भेटेकी छिन् । सुनिलसँगको भेटपछि नीतिले दुईजनाको तस्बिर सार्वजनिक गरेकी छिन्। सुनिलसँगको यो तस्बिरसँगै नीतिको अर्को चर्चा सुरु भएको छ। क्रिसमस इभको एक जमघटका क्रममा नीतिले सुनिललाई भेटेकी हुन्। त्यही भेटमा खिचेको तस्बिर उनले सामाजिक सञ्जालमा पोस्ट गरेकी हुन्।