काठमाडौँ । चीनले नयाँ विदेशमन्त्रीमा छिन क्याङलाई नियुक्त भएका छन् । चीनको राष्ट्रिय रेडियोलाई उद्धृत गर्दै अन्तर्राष्ट्रिय समाचार संस्था रोयटर्सले चीनको नयाँ विदेशमन्त्रीमा क्याङ नियुक्त भएका हुन् ।

विदेशमन्त्री बनेका क्याङ यसअघि अमेरिकाका लागि चिनियाँ राजदूत रहँदै आएका थिए । अन्तर्राष्ट्रिय सम्बन्धमा स्नातकसम्मको अध्ययन गरेका उनले सन् १९८८ बाट कुटनीतिक मिसनका लागि बेइजिङ सर्भिस ब्यूरो स्टाफ मेम्बरमा काम गरेका थिए ।

सन् २०२१ मा अमेरिकाका लागि चिनियाँ राजदूत बनेका क्याङ गत अक्टोबरमा सम्पन्न पार्टीको २० औँ महाधिवेशनबाट चिनियाँ कम्युनिस्ट पार्टीको केन्द्रीय समिति सदस्यमा निर्वाचित भएका थिए ।