काठमाडौँ । प्रतिनिधि सभा चुनावका बेला नेकपा (एमाले) परित्याग गरेर तत्कालिन कांग्रेस, नेकपा माओवादी केन्द्रको सहयोगमा रुपन्देही १ मा स्वतन्त्र उम्मेदवारी दिएर चुनाव लडेका वाम नेता घनश्याम भुसाल नेकपा एकीकृत समाजवादीमा प्रवेश गर्ने भएका छन् । उनी बिहीबार राजधानीमा आयोजित एक कार्यक्रमका बीच एकीकृत समाजवादीमा प्रवेश गर्न लागेका हुन् ।

रुपन्देही १ मा उनी एमालेका सचिव छविलाल विश्वकर्मासँग पराजित भएका थिए । ‘सम्भवत बिहीबारसम्ममा उहाँ (भुसाल) एकीकृत समाजवादीमा औपचारिक रुपमा प्रवेश गर्नु हुनेछ,’ नेकपा एकीकृत समाजवादीका एक नेताले भने ।

भुसालले एकीकृत समाजवादी प्रवेशका लागि आफ्नोतर्फबाट ५ पृष्ठको प्रस्ताव पनि राखेका छन् । ‘कम्युनिस्ट आन्दोलनको पुनर्गठन, रुपान्तरण तथा एकीकरणका लागि प्रस्ताव’ पेश गरेका थिए । भुसालले एकीकृत समाजवादीले बनाएको कार्यदललाई पुस २४ मा आफ्नो प्रस्ताव बुझाइसकेका छन् ।

हेर्नुस् भुसालको प्रस्ताव