काठमाडौँ । नेपाली कांग्रेसले पुष्पकमल दाहाल ‘प्रचण्ड’ नेतृत्वको सरकारलाई विश्वासको मत दिन ह्वीप जारी गरेको छ ।

कांग्रेस संसदीय दलका नेता शेरबहादुर देउवाको निर्देशनमा प्रमुख सचेतक रमेश लेखकले ह्वीप लागु गरेका हुन् । सचेतक लेखकले प्रचण्डलाई प्रधानमन्त्रीमा समर्थन गर्न सांसदहरूको हस्ताक्षर संकलन गरेका थिए ।

कार्य सम्पादन समितिमा महामन्त्रीहरूसहित केही नेताले असहमति जनाए पनि ह्वीपमा सबैले सहमति जनाएका छन् ।